Muri ya ntumbero y’isuku n’isukura, Umukuru w’igisagara ca Bujumbura Jimmy Hatungimana yagendeye zone Buyenzi ku mabarabara ya 1 na 3 aho yirabiye uko isuku ritunganijwe. Yahimirije abenegihugu kuguma baryitwararika. Yashitse ku barabara rya 25 hariko hubakwa ivuriro.
Yagendeye no muri zone Rohero ku barabara ryitiriwe Uprona aho yaravye ahatewe amashurwe yo gushariza igisagara. Yaciye aha inyigisho abenegihugu baca muriryo barabara kudahonyanga ayo mashurwe n’aho yatewe.
