Ibirori vyo guhimbaza imyaka 62 irangiye Uburundi bwikukiye vyabereye kw’ibarabara ryitiriwe ukwikukira muri zone Rohero, komine Mukaza. Vyatewe iteka n’umukuru wa mairie ya Bujumbura Jimmy HATUNGIMANA.
Ijambo yashikirije ryagarutse kuryo Nyenicubahiro Umukuru w’igihugu yashikirije Abarundi aho yashikirije ko uwo munsi ari uwo kwigina intwari zagwaniye intahe y’ukwikukira n’abitanze ngo itsimbatare. Ngo ni kandi umwanya wo kwirimbura Abarundi barabe umwimbu bavyaje ukwikukira.
Musitanteri wa komine Mukaza Nkezabahizi Florent mw’ijambo ry’ikaze yashikirije ko abenegihugu bo muri iyo komine bashigikiye Umuganwa Ludoviko Rwagasore igihe yariko ahabuza intahe y’ukwikukira anabasaba kuyitsimbataza no kwama bashigikira indongozi.
Ibirori birangiye abakozi ba Mairie ya Bujumbura barahuriye ku gatutu aho umuyobozi mwishikira w’umukuru w’igisagara ca Bujumbura yakaburiye abakozi kugwiza umwimbu mu kwegeranya neza amakori n’amatagisi kugira meri ishobore kurangura imigambi y’iterambere.
